കോന്നി വകയാര്‍ സ്വദേശി മോഹനനെയാണ് (70) കോടതി ശിക്ഷിച്ചത്. പത്തനംതിട്ട അതിവേഗ പോക്‌സോ കോടതി ജഡ്ജി മഞ്ജിത്ത് ടി. ആണ് വിധി പ്രസ്താവിച്ചത്.

അതിജീവിതയായ പെണ്‍കുട്ടി ട്യൂഷന്‍ പഠിക്കാനായി പോയിരുന്ന വീട്ടിലെ ട്യൂഷന്‍ ടീച്ചറുടെ പിതാവാണ് പ്രതിയായ മോഹനന്‍. 2025 ജനുവരി ഒന്നു മുതല്‍ മാര്‍ച്ച് 25 വരെയുള്ള കാലയളവിലാണ് കേസിനാസ്പദമായ കുറ്റകൃത്യം നടന്നത്. കുട്ടിയെ ഇയാള്‍ പലതവണ പീഡനത്തിനിരയാക്കുകയായിരുന്നു.

കോന്നി പോലീസ് സ്റ്റേഷന്‍ ഇന്‍സ്‌പെക്ടറായിരുന്ന ശ്രീജിത്ത് പി. ആണ് കേസില്‍ എഫ്.ഐ.ആര്‍ (FIR) രജിസ്റ്റര്‍ ചെയ്തത്. തുടര്‍ന്ന് ഇന്‍സ്‌പെക്ടര്‍ സുധീര്‍ സി.എല്‍ അന്വേഷണം പൂര്‍ത്തിയാക്കി കോടതിയില്‍ കുറ്റപത്രം സമര്‍പ്പിച്ചു.

പ്രോസിക്യൂഷന് വേണ്ടി അഡ്വക്കേറ്റ് റോഷന്‍ തോമസ് കോടതിയില്‍ ഹാജരായി. എസ്.ഐ ഹസീന പി. കോടതി നടപടികളില്‍ പ്രോസിക്യൂഷനെ സഹായിച്ചു.

വിവിധ വകുപ്പുകളിലായി മൊത്തം 26 വര്‍ഷം തടവിനാണ് കോടതി ഉത്തരവിട്ടത്. പിഴത്തുകയായി വിധിച്ച 1,35,000 രൂപ അടച്ചില്ലെങ്കില്‍ പ്രതി കൂടുതല്‍ കാലം തടവ് അനുഭവിക്കേണ്ടി വരും.