ശക്തമായ എഐ (AI) നിരീക്ഷണ സംവിധാനങ്ങളും കർശനമായ പരിശോധനാ മാനദണ്ഡങ്ങളുമാണ് ഇതിന് പിന്നിലെ പ്രധാന ഘടകങ്ങൾ.

2025-ൽ മാത്രം നിബന്ധനകൾ ലംഘിച്ച 17.5 ലക്ഷം ആപ്പുകൾ പ്ലേ സ്റ്റോറിൽ വരുന്നത് ഗൂഗിൾ തടഞ്ഞു. മുൻവർഷങ്ങളെ അപേക്ഷിച്ച് (2024-ൽ 23.6 ലക്ഷം) ഇതിൽ വലിയ കുറവുണ്ടായിട്ടുണ്ട്. കൂടാതെ, തട്ടിപ്പുകൾക്ക് ശ്രമിച്ച 80,000-ത്തിലധികം ഡെവലപ്പർ അക്കൗണ്ടുകൾ ഗൂഗിൾ നിരോധിച്ചു. ഡെവലപ്പർമാരുടെ വിവരങ്ങൾ ഉറപ്പുവരുത്തുന്നതിലെ കർശന നടപടികൾ കാരണമാണ് ഈ ഇടിവുണ്ടായത്.

ഓരോ ആപ്പും പ്ലേ സ്റ്റോറിൽ എത്തുന്നതിന് മുമ്പ് പതിനായിരത്തിലധികം സുരക്ഷാ പരിശോധനകളാണ് ഗൂഗിൾ നടത്തുന്നത്. സങ്കീർണ്ണമായ തട്ടിപ്പുകൾ കണ്ടെത്താൻ അത്യാധുനികമായ ജനറേറ്റീവ് എഐ മോഡലുകൾ ഗൂഗിളിനെ സഹായിക്കുന്നുണ്ട്. ആപ്പുകൾ പ്രസിദ്ധീകരിച്ച ശേഷവും നിരന്തരമായ നിരീക്ഷണം തുടരുന്നുണ്ടെന്ന് ഗൂഗിൾ വ്യക്തമാക്കി.

പ്ലേ സ്റ്റോറിൽ സുരക്ഷ കടുപ്പിച്ചതോടെ സൈബർ ക്രിമിനലുകൾ ഔദ്യോഗിക ആപ്പ് മാർക്കറ്റിന് പുറത്തുള്ള വഴികൾ (സൈഡ് ലോഡിംഗ്, തേർഡ് പാർട്ടി സ്റ്റോറുകൾ) തേടാൻ തുടങ്ങിയിട്ടുണ്ടെന്നും റിപ്പോർട്ട് മുന്നറിയിപ്പ് നൽകുന്നു.