തിരുവല്ല : പ്രാദേശിക
വികസനവും അടിസ്ഥാന സൗകര്യ വിപുലീകരണവും മുഖമുദ്രയാക്കിയ എൽഡിഎഫ് ഭരണത്തിൻ്റെ സ്വീകാര്യതയിൽ ത്രിതല പഞ്ചായത്ത് തിരഞ്ഞെടുപ്പിൽ യുഡിഎഫിനും ബിജെപി മുന്നണിക്കും കനത്ത തോൽവിയുണ്ടാകുമെന്ന് കേരള കോൺഗ്രസ് എം സംസ്ഥാന ഓഫീസ് ചാർജ് ജനറൽ സെക്രട്ടറി ഡോ. സ്റ്റീഫൻ ജോർജ്.

പതിറ്റാണ്ടുകളായി കർഷകർ ഉന്നയിച്ചുകൊണ്ടിരുന്ന പ്രധാനപ്പെട്ട ജനകീയ പ്രശ്നങ്ങൾക്ക് കേരള കോൺഗ്രസ് എം എൽ ഡി എഫിന്റെ ഭാഗമായതിനുശേഷം പരിഹാരം കാണാൻ സാധിച്ചത് പാർട്ടിയുടെ ഏറ്റവും വലിയ രാഷ്ട്രീയ നേട്ടമാണ്. ബഫർ സോൺ വിഷയത്തിലെ കൃത്യമായ ഇടപെടലുകളും, ഭൂപതിവ് നിയമ ഭേദഗതിയും, വന്യജീവി സംരക്ഷണം കേരള ഭേദഗതിയും നിറഞ്ഞ മനസ്സോടെയാണ് ജനങ്ങൾ സ്വീകരിച്ചത്. വലിയ ആവേശമാണ് കേരള കോൺഗ്രസ് എം ൻ്റെ സ്വാധീനമേഖലളിൽ ഇപ്പോൾ പ്രകടമാകുന്നത്. ഇത് ത്രിതല പഞ്ചായത്ത് തിരഞ്ഞെടുപ്പിലും 2026 നിയമസഭ തിരഞ്ഞെടുപ്പിലും വലിയതോതിൽ എൽഡിഎഫിന് അനുകൂലമായ വോട്ടുകളായി മാറും.

സർക്കാരിനെതിരെ തെളിവുകൾ ഇല്ലാതെ ആരോപണങ്ങൾ ഉന്നയിക്കുക എന്നതൊഴിച്ച് ജനങ്ങളെ അണിനിരത്തി ഒരു സമരവും സംഘടിപ്പിക്കാൻ യുഡിഎഫിനോ ബിജെപി മുന്നണിക്കോ ഇതേവരെ സാധിച്ചിട്ടില്ല. എൽഡിഎഫിന്റെ സ്വീകാര്യതയെയാണ് ഇത് സൂചിപ്പിക്കുന്നതെന്നും സ്റ്റീഫൻ ജോർജ് പറഞ്ഞു.

കേരള കോൺഗ്രസ് എം പത്തനംതിട്ട ജില്ലാ പ്രവർത്തക സമ്മേളനം തിരുവല്ല വൈ എം സി എ ഹാളിലെ കെ എം മാണി നഗറിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

പത്തനംതിട്ട ജില്ലയിൽ നിലവിലുള്ളതിനേക്കാൾ ഇരട്ടിയിലധികം കേരള കോൺഗ്രസ് എം ജനപ്രതിനിധികൾ ത്രിതല പഞ്ചായത്ത് തിരഞ്ഞെടുപ്പിൽ വിജയിച്ചവരുമെന്ന് ജില്ലാ പ്രവർത്തക സമ്മേളനം വിലയിരുത്തി. പാർട്ടിക്ക് വിജയിക്കാൻ കഴിയുന്ന സീറ്റുകൾ സംബന്ധിച്ച് എൽഡിഎഫ് നേതൃത്വവുമായി വിശദമായ ചർച്ച നടത്തും. ഓരോ പഞ്ചായത്തിലും പാർട്ടിക്ക് മത്സരിക്കാൻ സാധിക്കുന്ന സീറ്റുകൾ സംബന്ധിച്ച കൃത്യമായ വിവരങ്ങൾ മണ്ഡലം പ്രസിഡണ്ട്മാർ ജില്ലാ നേതൃത്വത്തിന് കൈമാറി.

ഇതിൻ്റെ അടിസ്ഥാനത്തിൽ എൽഡിഎഫ് നേതൃത്വവുമായി സീറ്റ് വിഭജന ചർച്ചകൾ നടത്തും.

ജില്ലാ പ്രസിഡൻ്റ് സജി അലക്സിന്റെ അധ്യക്ഷതയിൽ കൂടിയ യോഗം സംസ്ഥാന ജനറൽ സെക്രട്ടറി സ്റ്റീഫൻ ജോർജ് ഉദ്ഘാടനം ചെയ്തു, ഉന്നതാദികാര സമിതി അംഗങ്ങളായ ചെറിയാൻ പോളച്ചിറക്കൽ, ടി ഓ എബ്രഹാം, മനോജ് മാത്യു ,ജോർജ് എബ്രഹാം, ഷെറി തോമസ്, ജേക്കബ് മാമൻ വട്ടശ്ശേരിൽ, മാത്യു മരോട്ടിമൂട്ടിൽ, ജേക്കബ് ഇരട്ടപുളിക്കൽ, സോമൻ താമരച്ചാലിൽ,

രാജീവ് വഞ്ചിപ്പാലം, കുര്യൻ മടക്കൽ, സാം കുളപ്പള്ളിൽ, അജി പാണ്ടികുടി , സന്തോഷ് കുമാർ, മായ അനിൽ കുമാർ , കെ ആർ രാജപ്പൻ, ബെന്നി മനക്കൽ,തോമസ് മോദി ,എം സി ജയകുമാർ ,ബോസ് തെക്കേടം ,ജോയി ആറ്റുമാലിൽ, കെ രാജു ,ചെറിയാൻ കോശി, ബേബി തേക്കുംമൂട്ടിൽ വള്ളക്കുളം,

എബ്രഹാം തോമസ് ,സജി വിഴലിൽ, പി കെ കുര്യൻ, തോമസ് വർഗീസ്, ബഹനാൻ ജോസഫ് , തോമസ് , പോൾ മാത്യു ,ശർമിള സുനിൽ, വി എം യോഹന്നാൻ , ബാബു പുല്ലേരി കാട്ടിൽ, മനോജ് മടുത്തുമൂട്ടിൽ , ലിറ്റി കൈപ്പള്ളിൽ , റെജി വാലേപറമ്പ് , ആനി സ്ലീബാ , കുഞ്ഞുമോൻ കിങ്കിരേത്ത് , വി സി തോമസ് ,സൂരജ് ചാത്തങ്കരി, അനിലാ ബാലചന്ദ്രൻ,രാജപ്പൻ നായർ , തോമസ് ജോർജ് കുന്നത്ത്,തോമസ് മാത്യു, ഭാരത് വാഴുവേലിൽ ,ടോമി വടക്കേമുറി, വിനോദ് ജി നായർ , പി എൻ ശോഭന , ജെയിംസ് ഇളമത, സിബി ജെയിംസ് , കോശി എബ്രഹാം , തോമസ് മാത്യു , കെ എം ഫിലിപ്പ് , റെജി ചിറ്റാർ , ബേബി ജോസഫ് ആനിക്കാട് യൂസഫ് കലഞ്ഞൂർ , സജു സാമുവേൽ , ബിനിൽ തേക്കും പറമ്പിൽ,

നരേന്ദ്രനാഥ്, ജോജി പി ജെ തിരുവല്ല, ബിജു തുടങ്ങിപ്പറമ്പിൽ, ജെയിംസ് കണ്ടങ്കേരി,രാജേഷ് തോമസ്, റോയ് കണ്ണോത്ത്, റെജി കുരുവിള എന്നിവർ പ്രസംഗിച്ചു.