6.9 ഇഞ്ച് 120 ഹെര്‍ട്‌സ് പിഒ എല്‍ഇഡി സ്‌ക്രീനും 3.6 ഇഞ്ച് പിഒഎല്‍ഇഡി കവര്‍ സ്‌ക്രീനും ഫോണിനുണ്ട്. അഞ്ച് ലക്ഷത്തിലേറെ തവണ ഫ്‌ളിപ് ടെസ്റ്റ് ചെയ്ത ഫോണ്‍ ആണിതെന്ന് കമ്പനി അവകാശപ്പെടുന്നു. ഐപി 48 ഡസ്റ്റ് വാട്ടര്‍ റെസിസ്റ്റന്‍സും ഫോണിനുണ്ട്. മീഡിയാ ടെക്കിന്റെ മിഡ്‌റേഞ്ച് പ്രൊസസര്‍ ചിപ്പ്‌സെറ്റായ ഡൈമെന്‍സിറ്റി 7400 എക്‌സ് ആണ് ഫോണില്‍ ഉപയോഗിച്ചിരിക്കുന്നത്. മോട്ടോ എഐ ഫീച്ചറുകളും ഫോണില്‍ ലഭ്യമാണ്. ഡ്യുവല്‍ ക്യാമറയാണ് ഫോണില്‍. 50 എംപി പ്രൈമറി സെന്‍സറില്‍ ഒപ്റ്റിക്കല്‍ ഇമേജ് സ്റ്റെബിലൈസേഷന്‍ സൗകര്യമുണ്ട്. സെല്‍ഫിയ്ക്കായി 32 എംപി ക്യാമറയും നല്‍കിയിരിക്കുന്നു. 4500 എംഎഎച്ച് ബാറ്ററിയില്‍ 30 വാട്ട് വയേര്‍ഡ് ചാര്‍ജിങും 15 വാട്ട് വയര്‍ലെസ് ചാര്‍ജിങ് സൗകര്യവുമുണ്ട്.

ആന്‍ഡ്രോയിഡ് 15 അടിസ്ഥാനമാക്കിയുള്ള ഹെലോ യുഐ ആണ് ഫോണില്‍. മൂന്ന് വര്‍ഷത്തെ ആന്‍ഡ്രോയിഡ് അപ്‌ഡേറ്റും നാല് വര്‍ഷത്തെ സുരക്ഷാ പാച്ചും ഫോണില്‍ ലഭിക്കും. 8ജിബി LPDDR4X റാമും 256 ജിബി സ്റ്റോറേജും ഫോണിനുണ്ട്. 49999 രൂപയാണ് ഫോണിന് വില.