ആപ്പിൾ ആപ് സ്റ്റോറിൽ നിന്ന് നേരിട്ട് ഡൗൺലോഡ് ചെയ്യാൻ കഴിയുന്ന ഈ പുതിയ ആപ്, സന്ദേശവിനിമയ അനുഭവം കൂടുതൽ മെച്ചപ്പെടുത്തി നൽകുകയാണ്.

ഐപാഡിന്റെ വലിയ സവിശേഷതകൾ ഉപയോഗപ്പെടുത്തി, രണ്ടുനിര ലേഔട്ട് എന്ന രീതിയിൽ ഒരേസമയം ചാറ്റുകളും സന്ദേശങ്ങളുടെ പട്ടികയും കാണാവുന്ന സൗകര്യം ഈ ആപിൽ ഉൾപ്പെടുത്തിയിട്ടുണ്ട്. കൂടാതെ, ഐപാഡ്ഒഎസ് മൾട്ടിടാസ്കിംഗ് സംവിധാനങ്ങൾ പോലെ സ്‌പ്ലിറ്റ് വ്യൂ, സ്ലൈഡ് ഓവർ, സ്റ്റേജ് മാനേജർ എന്നിവ ഉപയോഗിച്ച് മറ്റ് ആപ്പുകൾക്കൊപ്പം വാട്‌സ്ആപ്പ് പ്രവർത്തിപ്പിക്കാനും കഴിയുന്നു. ആൻഡ്രോയിഡ് ഫോണുകളിലെ പ്രധാന അക്കൗണ്ടിനൊപ്പം സിം സിങ്ക് ചെയ്യുന്നതിനാൽ ഉപയോഗിക്കുമ്പോൾ അക്കൗണ്ട് മാറ്റം ആവശ്യമില്ല.

ഈ ആപ്പിന്റെ മറ്റൊരു പ്രധാന സവിശേഷതയായി 32 പേർ വരെ ഉൾപ്പെടുന്ന ഗ്രൂപ്പ് വോയിസ്, വീഡിയോ കോൾ സംവിധാനങ്ങൾ ലഭ്യമാണ്. കൂടാതെ, കോളിനിടെ സ്ക്രീൻ ഷെയറിംഗും ആപ്പിന്റെ ഭാഗമാക്കി മാറ്റിയിട്ടുണ്ട്. മുന്‍പ് ഐപാഡിൽ വാട്‌സ്ആപ്പ് ഉപയോഗിക്കേണ്ടത് വെബ് ബ്രൗസറിലൂടെയോ ഡെസ്‌ക്ക്ടോപ്പ് അപ്ലിക്കേഷൻ വഴിയോ ആയിരുന്നു. ഇനി ഉപയോക്താക്കൾക്ക് അതിന്റെ ആവശ്യം ഇല്ലാതായി, നേരിട്ട് ഐപാഡ് അപ്ലിക്കേഷൻ വഴി ആധുനിക സവിശേഷതകൾ ഉള്ള വാട്‌സ്ആപ്പ് ആസ്വദിക്കാനാകും.