വീട്ടമ്മയുടെ ഫോണിലേക്ക് രാത്രി 12 മണിയോടു കൂടി 140ലധികം അശ്ലീല ദൃശ്യങ്ങളാണ് പ്രതി അയച്ചത്. ഹരിപ്പാട് കുമാരപുരം രണ്ടുപന്തിയിൽ വീട്ടിൽ അജിൻകുമാർ (23) ആണ് അറസ്റ്റിലായത്.

അടുത്ത ദിവസം രാവിലെ ഏഴ് മണിയോട് കൂടിയാണ് വീട്ടമ്മ ഫോൺ പരിശോധിച്ചതും ഈ ദൃശ്യങ്ങൾ കാണുന്നതും. തുടർന്ന് അടുത്ത ബന്ധുക്കളെ വിവരമറിയിച്ചു. പിന്നീട് അശ്ലീല ദൃശ്യങ്ങൾ അയച്ച നമ്പറിലേക്ക് കോൾ ചെയ്തു.

തനിക്ക് മെസഞ്ചറിൽ നിന്നുമാണ് വീട്ടമ്മയുടെ നമ്പർ ലഭിച്ചതെന്നും അതുകൊണ്ടാണ് ന​ഗ്നദൃശ്യങ്ങൾ അയച്ചതെന്നുമായിരുന്നു പ്രതി നൽകിയ മറുപടി.

തുടർന്ന് യുവതി പൊലീസിൽ പരാതി നൽകി. പ്രതിയെ പൊലീസ് ചോദ്യം ചെയ്തു വരികയാണ്.