ഇന്ത്യയിൽ നവംബർ 26-ന് ലോഞ്ച് ചെയ്യും. ഇന്ത്യയിൽ ഒരു ലോഞ്ചിങ് ഇവന്‍റ് നടത്തിയാകും ഇന്ത്യൻ വിപണിയിലേക്ക് റിയൽമി, ഫോണുമായി വരുക എന്നാണ് റിപ്പോർട്ടുകൾ സൂചിപ്പിക്കുന്നത്.

ക്വാൽകോമിന്‍റെ പുതിയ സ്‌നാപ്ഡ്രാഗൺ 8 എലൈറ്റ് ചിപ്‌സെറ്റുമായി ഇന്ത്യൻ വിപണിയിൽ എത്തുന്ന ആദ്യത്തെ ഫോണാകും ജിടി 7 പ്രോ. ഷവോമി, ഐക്യൂ എന്നിവയും സ്‌നാപ്ഡ്രാഗൺ 8 എലൈറ്റുമായി രംഗത്തുണ്ടെങ്കിലും ഇന്ത്യയിലെ രംഗപ്രവേശനം ഇവരാരും ഇത് വരെ പ്രഖ്യാപിച്ചിട്ടില്ല. പതറാത്ത പെർഫോമൻസിനൊപ്പം കരുത്തുറ്റ ബാറ്ററിയുമാണ് ജിടി 7 പ്രോയുടെ പ്രധാന സവിശേഷതകൾ.

മറ്റ് സവിശേഷതകൾ

ഡിസ്പ്ലേ: 120Hz റീഫ്രെഷ് റേറ്റുള്ള 6.78 ഇഞ്ച് 1.5K 8 ടി എൽപിടിഒ സാംസങ് എക്കോ ഓലെഡ് ഡിസ്പ്ലേ

ഒഎസ്: ആൻഡ്രോയ്ഡ് 15

പിൻ കാമറ: 50 എംപി സോണി ഐഎംഎക്സ് 906 ഒഐഎസ് + 8 എംപി അൾട്രാവൈഡ് + 50 എംപി 3x റിയർ

മുൻ കാമറ: 16 എംപി

ബാറ്ററി: 120 വാട്ട് അതിവേഗ ചാർജിങ് പിന്തുണയുള്ള 6500 എംഎഎച്ച് ബാറ്ററി

ഫിംഗർപ്രിന്‍റ്: ഗുഡിക്സ് അൾട്രാസോണിക് ഇൻ ഡിസ്പ്ലേ ഫിംഗർപ്രിന്‍റ് സെൻസർ

ഭാരം: 222 ഗ്രാം

ഇവ കൂടാതെ എൻഎഫ്സി, ഐപി 68+69 വാട്ടർപ്രൂഫ് റേറ്റിങ്, ഗൊറില്ല ഗ്ലാസ് 7, ഐആർ ബ്ലാസ്റ്റർ അടക്കം നിരവധി പ്രീമിയം ഫീച്ചറുകളാണ് ഫോണിൽ അടങ്ങിയിരിക്കുന്നത്. 42655 രൂപ മുതലായിരിക്കും ഇന്ത്യയിൽ വില ആരംഭിക്കുക എന്ന് സ്ഥിരീകരിക്കാത്ത റിപ്പോർട്ടുകൾ ഉണ്ട്.