ഇൻട്രാസൈറ്റോപ്ലാസ്മിക് ബീജ കുത്തിവയ്പ്പിന് പകരമാണ് പുതിയ സംവിധാനം ഉപയോ​ഗപ്പെടുത്തിയത്. മെക്സിക്കോയിലാണ് ആൺകുഞ്ഞ് ജനിച്ചത്. 40-കാരിയായ സ്ത്രീയാണ് ഈ ഓട്ടോമേറ്റഡ് പ്രക്രിയയിലൂടെ ​ഗർഭിണിയായത്.

മുമ്പ് നടത്തിയ ​ഗർഭധാരണശ്രമങ്ങളെല്ലാം പരാജയപ്പെട്ടതിന് ശേഷമാണ് ഇവർക്ക് ഈ രീതിയിൽ ​ഗർഭിണിയാകാൻ സാധിച്ചത്. ഈ സംവിധാനം ഉപയോ​ഗിച്ച് ബീജസങ്കലനം ചെയ്ത അഞ്ച് അണ്ഡങ്ങളിൽ നാലെണ്ണവും വിജയകരമായി പൂർത്തിയാക്കാൻ സാധിച്ചു. 1990-കൾ മുതൽ ലോകത്ത് ICSI രീതി ഉപയോ​ഗിച്ച് വരുന്നുണ്ട്. സാധാരണ ഈ രീതി നടപ്പാക്കാൻ ഒരു വി​ഗദ്ധന്റെ സഹായം ആവശ്യമാണ്.

എന്നാൽ, പുതിയ സംവിധാനത്തിൽ ICSI നടപടിക്രമത്തിലെ 23 ഘട്ടങ്ങളും നിർമിതബുദ്ധിയുടെ സഹായത്തോടെ പൂർത്തിയാക്കാനാകും. നിർമിതബുദ്ധിയുടെ സഹായത്തോടെ ബീജം തിരഞ്ഞെടുത്ത് ലേസർ ഉപയോ​ഗിച്ച് അതിനെ നിശ്ചലമാക്കുന്നത് മുതൽ അണ്ഡലത്തിലേക്ക് കുത്തിവെയ്ക്കുന്ന പ്രക്രിയ ഉൾപ്പെടെ എല്ലാ ഘട്ടങ്ങളും ഓട്ടോമേറ്റഡ് സംവിധാനം കൈകാര്യം ചെയ്തതായാണ് ഡോക്ടർമാർ പറയുന്നത്.

പുതിയ സംവിധാനം IVF-നെ അടിമുടി മാറ്റിമറയ്ക്കുമെന്ന പ്രതീക്ഷയിലാണ് ഡോക്ടർമാർ. നിർമിതബുദ്ധിയുടെ സഹായം തേടുന്നത് ലാബ് ജീവനക്കാരുടെ മേലുള്ള സമ്മർദം കുറയ്ക്കുന്നു. കൂടാതെ, അണ്ഡത്തിന്റെ അതിജീവനവും മെച്ചപ്പെട്ടേക്കാമെന്നാണ് വിദ​ഗ്ധർ പറയുന്നത്.

ഒമ്പത് മിനിറ്റും 56 സെക്കൻഡുമാണ് ഈ പ്രക്രിയ പൂർത്തിയാക്കാൻ ഒരു അണ്ഡത്തിന് ആവശ്യമായി വരുന്നത്. നിലവിൽ, പരീക്ഷണഘട്ടമായതിനാൽ ICSI പ്രക്രിയേക്കാൾ ഒരൽപം സമയംകൂടെ പുതിയ സംവിധാനത്തിന് ആവശ്യം വരും.